1.1 Bwriad //
Mae bloc yn ceisio hwyluso cyfleoedd go iawn ar gyfer cyfnewid a phartneriaeth rhwng y maes creadigol a busnes, gwyddoniaeth, technoleg ac addysg yng Nghymru.
Mae cynlluniau bloc ar gyfer cyflawni hyn yn cynnwys:
- darparu amrywiaeth o wasanaethau craidd ar gyfer y sector, a gwybodaeth amdano, gan gynnwys ymchwil ac ymgynghoriaeth
- datblygu cyfleoedd cynhyrchu a chyflwyno trwy gomisiynau, gwyliau a chyfleoedd preswyl mewn cydweithrediad ag amrywiaeth o sefydliadau partner
- rhaglen o seminarau a chynadleddau rhanbarthol sy’n darparu cyfleoedd rhyngweithio, rhwydweithio a datblygiad proffesiynol
- ymgyrchoedd i godi ymwybyddiaeth y cyhoedd, i annog gwell dealltwriaeth a thrafodaeth ac i ddathlu arbenigedd
- gweithredu fel eiriolwr ar gyfer y sector i gyrff fel arianwyr, cymorth busnes, awdurdodau lleol a llywodraeth genedlaethol
Mae bloc yn ceisio creu cysylltiadau â chyrff tebyg ledled y DU, Ewrop a’r byd.
